ENTREGA DE PREMIOS CONCURSO MASCOTA Campeonato Europeo de Tríatlon

Un día, ao chegar de educación Física, chegamos á clase, e a profe Mary Carmen, toda contenta, anunciounos:
_Alguén de 6º A gañou no concurso das mascotas do tríatlon...Adiviñades quen???
Todos amosamos un sorriso, mas non diciamos nin pío...
Entón, a profe, mirou para min... Pero eu non pensaba que era eu...
-Quen, eu???, exclamei incrédulo...
A profe lanzou un claro SIIII...E por detrás miña, unhas voces berraban:
_Parabéns, Dani,moi ben , presi...!!!
Eu non o podía crer... O primeiro clasificado da categoría B (de 9 a 12 anos)...Xa estaba desexando que chegara o día da entrega de premios...
Cando por fin ese día chegou, o martes 3 de maio, estaba nerviosísimo... Ás doce da mañá, miña nai veu buscarme á escola, pois ás 13,30 tiñamos que estar na casa do concello ... Cheguei á casa e cambieime o máis rápido posible. Coas présas, case poño a camisa do revés...
E a miña nai, histérica:
- Bule, que non chegamos... Peitéate...
Xa chegados ao concello, encontramos ao director... E unha señora, moi amable, por certo, indicounos o camiño. E por fin chegamos a dentro dunha sala... Aquela fría e aburrida sala... Sentáronnos arredor dunha mesa,a esperar...
Cando xa deu comezo a entrega de premios, eu non paraba cos nervios...Estaba todo o tempo xirando na cadeira...
Por fin!!! Xa me tocaba!!! Ao escoitar o meu nome, fun correndo a polo premio... E voltei para o meu sitio cun sorriso de orella a orella... Sentía unha emoción...Estaba satisfeito de min mesmo...
Xa na casa miña nai comentou que estaba moi orgullosa de min.
Eu, tamén me sentía moi orgulloso de min mesmo...

E aquí podedes ver un vídeo da entrega de premios, gravado por meu pai. Alicia Fernández Couto unha compañeira miña de 6º A subiuno a youtube:



Daniel Fraguas Viéitez
Alicia Fernández Couto 6ºA

AMEDEO MODIGLIANI E LUIS SEOANE

Neste terceiro trimestre comezamos a estudar e coñecer as técnicas destes dous novos pintores:
Amedeo Modigliani e Luis Seoane.
Primeiramente informámonos sobre a vida e obra destes dous pintores.
Os resultados plasmámolos en traballos realizados sobre cartolina ou tamén con presentacións en Power Point...
A continuación, o que máis nos interesou foi a súa maneira de retratar a persoas... E bótandolle imaxinación, nós, tratando de ser coma eles, inventamos retratos e formas novas de crear novos cadros.
Cos nosos estilos de pintar, realizamos os nosos retratos artisticamente.
Cada un de nós facía a súa creación usando a súa imaxinación e fantasía.
Algúns compañeiros e compañeiras xa remataron os seus traballos e as súas obras están expostas nas paredes da nosa clase.
Con tanto colorido, non se ve nin un ladrillo!!!
Quedaron preciosos!!!
Agora aquí vos deixamos unha mostra dalgúns dos traballos realizados en Power Point:
A ver se vos gustan:
Esperamos os vosos comentarios...

Modigliani

View more presentations from enri10.

Modigliani

View more presentations from enri10.

Luis seoane

View more presentations from enri10

Guillermo García Janeiro , Maruxa Campos Rodríguez,Iria Blanco Sixto,Enrique Cortizo Bautista e Daniel Fraguas Viéitez 6 ºA

CONCURSO CREACIÓN MASCOTA TRIATLÓN

Un día, o Concello de Pontevedra, propuxo a todos os escolares inventar unha mascota para o Campeonato de Europa de TRIATLON, que se vai celebrar ... Proximamente en Pontevedra, a nosa bonita cidade!!!
Todos collemos a idea con, moitísimo entusiasmo! E axiña nos puxemos a traballar!!! Aproveitabamos as horas de Plástica ou calquera outro momento que tiñabamos libre na clase.
Os debuxos estaban inspirados nas modalidades de TRIATLON: a natación, o ciclismo e a carreira a pé, e estaban baseados en animais e en outros seres, divertidísimos!!!
Todos eran chulísimos e como sempre moi coloridos !!!

Dani deboxou un centolo:" O Centoleiro" e conseguiu "O 1º premio " da nosa categoría (de 9-12 anos).
Ben por nós!!!! E parabéns a Dani!!!
Aquí vos deixamos as nosas creacións...
Esperamos que vos gusten!!!
RISOS

Sabela Martínez e Nerea Bazarra 6ºA

EXCURSIÓN A ASTURIAS E CANTABRIA

Este ano tócanos ao alumnado de 6º ir de excursión (con ela despedimos a primaria), e sabedes onde fomos?
A... ASTURIAS!!! e a... CANTABRIA!!!
Fomos na compaña das profes Beli e Hilda e do profe Victoriano.
O primeiro día visitamos o MUJA, o Museo Jurásico de Asturias. Alí aprendemos moito sobre os dinosauros: como distinguilos, a súa anatomía, e distintos datos interesantes sobre o seu comportamento, como se aparean e un millón de nomes de dinosauros...
Ao rematar coa visita compramos uns detalliños, QUE CAROS ESTABAN!!!
Mercedes, a condutora do autobús subiu e arrancou...
Ao chegar a Comillas o primeiro que fixemos foi ir ao hotel, descargar a maleta e ir cara ao banquete que nos agardaba,mummmmmmmmmmmmm...
Xa no día seguinte, levantámonos para ir ao Parque da Naturerza de Cabárceno, unha paisaxe impresionante, formada por 750 hectáreas o parque está feito sobre unha mina de ferro a ceo aberto.
Observamos moitos animais, cebras, elefantes, antílopes, e demais...
Pero... o que máis nos gustou foi o espectáculo dos leóns mariños, pois se lle chamabas "focas".. Botábanche a lingua, incríble!!! E moitos trucos máis moi interesasntes...

A NOSA INSPIRACIÓN EN MORANDI E CÉZANNE

En Plástica, este trimestre, entre outras cousas, estivemos facendo cadros a imitación de Giorgio Morandi e Paul Cézanne, dous pintores espectaculares.
Inspirámonos, sobre todo, nos bodegóns.
Cada un de nós utilizou o colorido, que quería, cores escuras, claras... E...

A profe Mª Carmen sempre estaba aí para dicir a súa opinión, darnos consellos e animarnos a facer un bo traballo!
Ao principio estabamos un pouco perdidos, mais... De repente... Pedro exclamou:
-No futuro, as novas xeracións, en vez de estudar a Giorgio Morandi e Paul Cézanne terán que estudar a Daniel Fraguas e a Marcos Landazábal... Pois as súas creacións eran moi coloridas...

Esperamos que, de verdade, sexan grandes pintores no seu día...

Mais, pouco a pouco, todos fomos concentrándonos, e inspirándonos... E...
Conseguimos estas obras que ides contemplar...
Nós, creemos que son espectaculares!!!

Vós que pensades???

Ana Lozano Ferreira, Iria Blanco Sixto e Alicia Fernández Couto 6ºA

ESTAMOS CUN PROXECTO SOBRE AS VOTACIÓNS

En cidadanía estamos facendo un proxecto sobre as votacións. Imos moi lentiño pero estamos aprendendo moito.

AQUEL TALLER ESTILO MONDRIAN EN INFANTIL

Fai un tempo os rapaces e rapazas de 6ºA fomos contarlles un pouco da vida e obra de Mondrian ao alumnado de Infantil 5 anos A.
Ao principio estabamos un pouco cortados, pero pouco a pouco collemos confianza e soltámonos. As caras dos nenos e nenas amosaban entusiasmo polo que estaban a escoitar e algún atrevíase a facer comentarios espontáneos.
Nós, ao final, sentímonos mois satisfeitos polo noso traballo e resultado:
Aplaudíronnos moito!!!
¡Aah! Ata descubrimos uns debuxos que fixeramos nós cando tiñamos 5 anos:
¡¡Que emoción!!
Estas son as imaxes dese dia...



E chegou o día de levar a cabo o taller de confección das axendas.
Recollemos o alumnado de Infantil na aula de informática e marchamos cara ao laboratorio.
Alí cada un de nós encargábase de axudar a un neno ou a unha nena na elaboración da súa axenda...
Fixérono moi ben e non precisaron de tanta axuda como nós pensabamos nun principio...
Encantounos a experiencia e quereriamos repetila!!!
¡¡Que ben o pasamos!!!

Velaquí tedes as fotos:



O noso compañeiro Pedro Bastos Recarey de 6º A gravounos estas imaxes do noso traballo... E a nosa compañeira Alicia Fernández Couto tamén de 6ºA subiunas a Youtube... Desexamos que vos gusten...
Esperamos os vosos comentarios!!!



Sabela Martínez Filgueira, Nerea Bazarra López, Iria Civeira Cerviño, Maruxa Campos Rodríguez, Sabela Alicia Iglesias Sánchez, Alicia Fernández Couto, Ana Lozano Ferreira e Pedro Bastos Recarey 6ºA

LEMBRADES... WHAT A SHOW! QUE SHOW!

PARA LEMBRAR ESE DÍA TAN ESPECIAL, A PROFE DE INGLÉS SUBE POR FIN OS VÍDEOS.

TESTAMENTO E QUEIMA DE VILAVERDIÑO

Testamento e queima de Vilaverdiño

Xa sabemos que mañá remata o Entroido da nosa cidade, Pontevedra, coas manifestacións de mágoa e de dor pola morte do noso querido loro Ravachol...

Nós, na nosa escola, tamén tivemos o remate da festa co xuízo do noso galo, Vilaverdiño, que rematou reducido a cinzas...

Pero, como é tan bo, non nos deixou sen dicirnos as súas últimas vontades...
Nós, o alumnado de 6º, botámoslle unha man, pois o pobre xa estaba nas últimas...
E non era quen de rematar o seu testamento...

O meu testamento paso relatar,
preparados todos para escoitar...
Non choredes pola miña morte,
pois aquí vos deixo a miña sorte...

Agora que me ides queimar,
unha mensaxe quero deixar:
que o ano que vén querería
ir morrer á Ferrería...

Quérolles dar as grazas
a todos os do 3º ciclo,
que me viñeron imitar
con crista, plumas e pico...

Aos meus amigos de 6º A,
as miñas plumas quero deixar,
para que neste desfile
poidan vos impresionar...

A estes nenos tan bos,
un uniforme heilles deixar,
para que vaian todos iguais,
e o vistan sen rechistar...

Aos nenos de 6º A,
un abrazo quero deixar,
para que vaian ao instituto
sorrindo, e non a chorar...

A miña bonita voz,
vai para a profe Lola,
que co seu bozarrón,
asusta a toda a escola...

Déixolle ao noso Paco,
uns cans para o xardín vixiar,
e que os bonitos camelios
en paz xa poidan medrar...

Déixolle a 6º A,
un abrazo e máis un bico,
e todo o necesario
para lucir un bo sorriso...

Á profe Mary Carmen,
todo o meu amor lle quero deixar,
e que non chore o último día
pola nosa despedida...

Déixolle a todo o profesorado,
unha morea de agasallos,
por aprenderen ao alumnado,
a facer tan bo traballo...

Neste día de Entroido,
no que todos ides de cores,
quérome despedir
de xeito que ninguén chore.

Déixolle ao noso centro
todo o meu diñeiro,
para facer reformas
e darlle un aire festeiro.

Déixolle ao conserxe Paco
un bo fertilizante,
para coidar as coníferas
e que lle medren rampantes.

Déixolle ao alumnado de Infantil,
un decorado mandil
e cando fagan o seu disfrace,
non se manchen co "Alkil".

Déixolles ás profes de Infantil
unha xerra chea de tila,
para que cando suban do recreo,
non se estresen facendo a fila.

Déixolle á profe Lola,
unhas novas castañolas,
para que baile seguido,
e nunca se sinta soa.

Déixolle ao profesorado,
un corrector automático,
para corrixir á présa,
e poder viaxar polo Ártico.

Déixolle aos de quinto,
un aviso de coidado,
que para o ano toca sexto
e véxoos moi relaxados.

Déixolle á profe de Inglés,
todos os meus "cedés",
para que así aprenda
a falar tamén francés.

Déixolle aos de sexto,
como é o último ano,
para o moito que van chorar
unha manchea de panos.

Iria Blanco Sixto, Sara Barreiro Rodríguez, Maruxa Campos Rodríguez, Daniel Fraguas Viéitez, Jorge Ligero Mallo, Sabela Martínez Filgueira, Sonia Rey Caldas e alumnado de 6º A.
Laura López Iglesias, Iván Núñez Garrido, Alexia Pousada Martín, Nadia Piñeiro Rodríguez, Antón Romaní Vázquez, Nuria Villanueva González e alumnado 6ºB.

O ENTROIDO EN 6ºB

Este ano o entroido deunos moito que facer: coplas, investigacións, receitas,carteis, ...
Ata axudamos a colocar todo para a festa!
Facer os disfraces foi o que máis!Pero pagou a pena, as nenas e os nenos de infantil estiveron todo o rato chamándonos:
- Vilaverdiños!, Vilaverdiños!